حكاية عمرنا. ....بقلم الشاعر أيمن بلال

..... حكاية عمرنا .......

هي أيام بتجمعنا وهي أيام تفرقنا
أيام تفرحنا وتسعدنا وأيام بتجرحنا
وأيام بنعيشها وصعب ذكراها تسيبنا
وبين الأيام ساعات الصدفة تجمعنا
.......
وأنا وإنتي ليل حكايته مع القمر
عاش ما يعرف غير عشق السهر
وغنوة وضحكة وكلمة بس بالنظر
بس ليه النهاية دمعة في فراقنا
.....
كام جواب وصورة كانت بتجمعنا
ملامحنا إتغيرت من يوم وداعنا
حتي الكلام تاهت حروفه والمعني
وبعد ما كان الحب دوي بقي داءنا
.....
وترحل بينا دنيتنا وتتغير حكايتنا
وتتغير ملامحنا وتتبدل سكتنا
وتفضل غنوة تقول إحنا ما متنا
وكلمة لحكاية قلوبنا ترجعنا
......
هنا كان أول مكان فيه أنا شفتك
هنا طلت عيني عليكي وضحكتلك
وهنا كان اللقا سمعتيني وكلمتك
وهنا جيت أشتكي للمكان غربتنا
.......
ياكل حلم عشناه وراح فجأة مننا
ياحب كان ولسة عايش ف همسنا
يوشوش قلوبنا لسة أنا باقي هنا
يبتسم نبتسم وترجع تاني ضحكتنا
......
ياأول حب قلوبنا لسة عايشة معاك
يعدي العمر وعمرنا عايش هواك
ومهما نكبر صغيرين ولا يوم ننساك
ياحكاية كانت ولسة بنعيشها حكايتنا
......
أيمن بلال