طال وقوفي بقلم الشاعر صالح منصور

طال وقوفي
على رصيف الانتظار
انتظر قدوم القمر
او حتى ظهور هلال
يمر يوم بعده يوم
والسما ملينه غيوم
ليه يا قمر عاصى
ورفض حتى الظهور
ياقمر في عيونى نجمه
بس حبه تستخبه
يمكن تكون عارفه
انى بك مشغول
بس عمرى مش هيضيع
وانت وراء الغيوم
اه.. ياقمر بحبك..
محتاجك وكمان بشدة
بس الحاجه دى
ام الاختراع ممكن بشمعه
ليللي يتقلب نهار..
او تطلع في ليللي نجمه
تنور دنيتى..
وترشد خطوتى..
وتشق الغيوم
وساعتها ياقمر..
هسيب رصيف الانتظار
والليل هيبقي نهار..
وهتنتهى فترتك
وتبقى نهاية قصتك..
ويتولد نهار جديد
ينهى فترة ظلمتك..
وقصة حب ضمتك
............................. صالح