طير جارح بقلم الشاعر ياسر عبد الحميد

طير ,, جارح

************
انا ما اقبلش ,, اكون صورة

فى وسط كتاب ,, و اسمه حياة

رواية ,, لقصة ,, مكسورة

و كل حروفها ,, بتزف ,, اااه

و لو قريتوها ,, راح تبكوا

برغم ان الألم فيها ,, ألم جارح

كما المصلوب ,, بينزف دم

بينهش لحمه ,, طير ,, جارح

و كل الناس ,, بيبكوا عليه

و بيقولوا ,, دا ,, ذنبه ,, أيه

و يحكوا حكاية ,, غير الأصل

ما ليها ,, أصل ,, م الواقع

رواية غريبة ,, من كام فصل

و تتصدق ,, كما الواقع

و نسيوا ,, يسألوا ,, المصلوب

عملت ايه ,, و ليه اصبح كدا ,, حالك

تملى ,, بترضى ,, بالمكتوب

و بتدعى ,, ينصلح ,, حالك

دا ذنبك ,, ولا كتر ,, ذنوب

لناس غيرك ,,  شيلتهالك !!!

بقلم الشاعر / ياسر عبد الحميد